BUTUAN CITY – Mitala og kasaysayan si Hong Konger Olympic fencer Vivian Kong pinaagi sa pagsakmit og pinaka-unang gold medal alang sa Women’s Épée Individual event sa nagpadayong Paris 2024 Olympics.
Ang maong landmark nga kalampusan, wala lang nagpa-angat sa iyang status tali sa mga greatest athletes sa Hong Kong apan apil na sa dako kaayo nga cash reward gikan sa ilang gobyerno nga mu-abot sa $768,000 kon kapin sa 44.54-milyunes pisos.
Ang grabe kabongga nga bonus nag-highlight sa lig-on kaayong suporta sa Hong Kong alang sa ilang mga elite athletes, kondiin ang mga silver medalists, makadawat usab og $380,000 kon kapin sa 22-milyunes pisos.
Ang reward system sa Hong Kong alang sa ilang mga Olympic athletes mas dako pa kung ikumpara sa ubang mga nasud sama sa Amerika kondiin ang ilang gold medalist, makadawat lang og $730,000 kon bugti sa kaoin42-milyunes pisos kansa biya og kapin 2-milyunes pisos kumpara sa Hong Kong.
Ang nakuhang gold medal ni Kong, nagsimbolo dili lang sa iyang personal nga kada-ugan apan apil na sa national pride ug inspirasyon sa ubang mga atleta sa Hong Kong.
Uban sa suportang pinansyal ug pag-ila gikan sa iyang nasud, gipangandaman karon ni Kong ang pagpangandam pa sa iyang kalampusan ug sa umalabot nga mga kompetisyon.
