BUTUAN CITY– Gipaningkamutan karon sa National Adjudication Board sa Philippine National Police kon PNP nga matapos sa gitakda nilang usa ka buwang deadline karong Marso 7 ang ilang gihimong validation ug imbestigasyon sa 357 ka mga pulis nga na-apil sa ilang drugs watchlist.
Sa iyang pag-atubang sa mga tigbalita dinhi sa dakbayan sa Butuan, gipadayag ni PNP Chief Director General Archie Francisco Gamboa nga paningkamutan nilang sa ilang command conference karong Martes, Marso 3 ila nang mapresenta ang resulta sa adjudication ug validation nga gihimo sa board pagpanguna ni PLGen Camilo Cascolan ngadto kang Pangulong Rodrigo Duterte.
Sulod matud pa niini ang rekomendasyon ngadto sa kalihim sa Department of Interior and Local Government kon DILG sa isip chairman sa National Police Commission kon NAPOLCOM adiser iduso ngadto kang Pangulong Duterte. Anaa na matud pa sa pangulo kung sundon niya o dili ang ilang rekomendasyon.
Gidugang sa opisyal nga sa pagsugod pa lang sa adjudication, duna na’y 15 sa 357 ka mga pulis ang nagduso na sa ilang early retirement og sa 15 usa, pito niini ang duna na’y kamanduang mag-file sa ilang optional o kaha compulsory retirement samtang ang nahabiling walo nagpadayag sa ilang intension pag-apply.
Gipasabot ni General Gamboa ilabina ngadto sa nagkwestyon sa paghatag niya og optional retirement isip respeto gihapon sa pagpanerbisyo nila bisan og namantsahan ang ilang dungog tungod sa paglambigit sa illegal drugs operation.
