BUTUAN CITY – Misang-at og Senate Resolution si Senador Raffy Tulfo kansa nagtinguha sa pag-imbestigar sa pagdaghan sa mga Chinese nationals sa Multinational village sa Parañaque City.
Sa gisang-at nga Senate Resolution (SR) No. 1043, gikataho sa Senador nga ang mga residente ug mga tag-iya sa balay sa Multinational village nagpadayon sa pagreklamo bahin sa pagdaghan sa mga Intsik sa ilang komunidad sukad pa niadtong 2019 sa dihang ang mga Chinese nga trabahante nga nagtrabaho sa POGOs nagsugod sa pagbalhin sa ilang lugar.
Matod sa Senador, daw teritoryo na sa China ang ilang subdivision. Dugang niini nga nagduda usab ang mga residente nga posibleng aduna nay POGO nga naglihok sulod sa ilang barangay. Gihangyo sa Senador ang Presidential Anti-Organized Crime Task Force, National Bureau of Investigation ug Bureau of Immigration nga imbestigahan ang estado ug kalihokan sa mga Chinese national sa maong Multinational Village.
Una niini, usa ka grupo lakip ang 10 ka Chinese nationals ang gidakop niadtung Mayo 2, sulod sa usa ka balay sa Multinational village tungod sa paglapas niini sa Anti-Trafficking in Persons Act, Alien Registration Act ug Cybercrime Prevention Act.
