BUTUAN CITY- Nahatagan na sa hinanaling tabang ang mga residenteng nasunogan sa Brgy. Obrero sa Butuan City kagahapon sa alas tres sa buhatan sa City Social Welfare and Develpoment (CSWD) uban na usab sa dugang tabang sa Department of Social Welfare and Development (DSWD) sama sa pagpaabot og ayudang bugas og mga de lata.
Sa eklusibong interbyew kang Ferndinand Nalcot, City Councilor sa Bombo Radyo Butuan, mapasalamaton ang buhatan sa CSWD nga bisan pa sa kakulang sa mga pondo sa ayuda tungod na usab sa nagkahurot nga mga ayuda tugnod na sa gipatumang mga lockdown sa nakalabayng tuig ug bulan, nakahatag gihapon kini ug nakapaabot og tabang ngadto sa mga nasunogan.
Nasayrang usa lamang ka panimalay ang gigikanan sa sunog apan 4 ka pamilya ang anaa sa maong panimalay.
Busa gilayong gipahikay ang mga niini sa gikinahanglang dokumento alang sa apg-apply sa ihatag nga ayuda sa kagamhanan alang sa pagka-totally burned resulta na sa pagkasunog sa ilang puluy-anan.
Samtang nanawagan usab si Nalcot sa mga kaigsuonang Butuanon nga mahimong maampingon sa mga nakasaksak nga appliances sa tagsa tagsa ka mga outlet ug kanunayng dumdumon ang precautionary measures kabahin sa mga ingon aning insidente.
