BUTUAN CITY – Mangandam og mag-ampo. Kini ang gibilin nga mensahe sa reporter sa Bombo Radyo Butuan nga si Mary Judy Ann Felicilda ang lakip sa mipasar sa bag-ohay lang migawas nga resulta sa Licensure examination for teachers kon LET ngadto sa mukuha pa sa nasangpit nga examination.
Sigon ni Bombo Mary Judy Ann nga wala gyud niya kalimte ang pag-ampo sa iyang gihimong pagpangandam sa pag-take sa exam.
Kini samtang mitoo usab siya sa mga pamahiin nga magdala og swerte sama sa pagpatahal sa lapis ngadto sa nag-top na sa exam og bisan sa ginikanan.
Gibuhat usab niya ang pagsoot og mga gamit nga pula.
Samtang nagbilin usab kini og sekreto ngadto sa mga kabataan aron mahimong malampuson sa ilang pangandoy.
Kini mao ang pagpaminaw kanunay sa ginikanan.
Sumala pa ni Bombo Mary Judy ann nga estrikto ang iyang ginikana pero iya kining nasabtan nga alang lang kini sa iyang kaayuhan.
Bisan gane ang pagpili sa pagka-teacher choice usab sa inahan nga iya rang nakat-onan sa paghigugma.
