BUTUAN CITY – Gibulgar ni SAGIP Partylist Representative Rodante Marcoleta nga wala siya gi-istorya sa liderato sa Kamara adiser ang pagtangtang kaniya isip membro sa pipila ka komite.
Madumdumang gitangtang na ang kongresista isip membro ug vice chair sa nagkada-iyang komite sa Kamara sama sa Committee on Good Governance and Public Accountability, Committee on Energy, Justice, Public Accounts ug Constitutional Amendments. Gihulipan usab siya sa gamhanang Committee on Appointments.
Nagtuo si Marcoleta nga ang iyang pagbarog sa mga House rules ang hinungdan sa hingpit niyang pagkatangtang sa maong mga komite ng Kamara.
Madumdumang sa katapusang pagdungog sa House Committee on Appropriations sa 2025 budget sa Office of the Vice President kon OVP, girekomenda sa magbabalaud nga i-terminate o tapuson na ang budget hearing sa OVP.
Kini isip pag-ila sa tradisyon sa House of Representatives nga maghatag og ‘parliamentary courtesy’ sa duha ka tag-as nga buhatan sa nasud, ang Office of the President ug ang OVP.
