BUTUAN CITY- Mipasaka og kasong cyber libel ang casino tycoon nga si Enrique Razon Jr batok kang Cavite Representative Francisco “Kiko” Barzaga.
Kini nunot sa pag-alegar sa kongresista nga daw nalambigit sa pagpanuhol sa Kongreso ang nasangpit nga negosyante.
Gipasaka ni Razon sa Makati City Prosecutors’ Office ang two counts nga cyber libel batok kang Barzaga ug minghangyo sa civil damages og P100 milyon alang sa moral damages ug P10 milyon sa exemplary damages tungod sa pagpangdaot sa reputasyon ug nakapahimo og emotional distress.
Ming-ugat ang kaso sa social media post ni Barzaga nga si Razon matud pa ang utok sa kurapsyon sa Kongreso kung asa gibayaran niini ang mga miyembro sa National Unity Party (NUP) sa usa ka panagtapok aron masiguro ang suporta kang kanhi Speaker Martin Romualdez.
