BUTUAN CITY – Human ang pila ka adlaw nga pagpakahilom human niini gihimo ang iyang pinakalisod nga desisyon sa iyang entiro kinabuhi isip pulitiko, nagpagawas na sa iyang pamahayag si Agusan del Norte 2nd Rep. Dale Corvera.
Gipadayag niini nga ang pinaka-maayong butang nga iyang nahimo, mao ang pagkunsulta una niya sa iyang mga constituents ug mga lideres adiser gihimo ang bug-at nga desisyon sa iyang kinabuhi, ang wala pagpirma sa ika-upat nga impeachment complaint batuk kang Vice President Sara Duterte.
Sa iyang gipagawas nga written statement, gipadayag niini nga wala siya musugot nga magpa-interview o kaha magpa-press conference tungod kay wala siya makigbisog ni bisan kinsa aron lang makita ang iyang balor. Dili lang niya gustong makita nga magkabahin-bahin ang mga Filipino tungod kay nagtuo siya sa gipadayag sa presidente nga wala’y bisan usa ka Filipino ang makabenepisyo sa impeachment.
Daghan ang nagpadayag sa ilang kabalaka nga mahikawan na og budgetary allocation ang iyang distrito apan kampante siyang dili kini mahitabo tungod kay nagtuo siyang dili ingon niini katig-a ang liderato sa kamara. Apan ugaling mahitabo matud pa kini, sayod siyang ingon niini gayod ang dula sa pulitika apan mas nasayod usab siyang andam niini ang mga Agusanons tungod kay ang ilang tingog ang iyang gibarugan sa House of Representatives, dihang wala siya mipirma sa impeachment complaint.
Duna matu dpa’y mga tuburan ang probinsya ilalom sa kadumalahan ni Governor Angel Amante kansa igo sa panginahanglanon sa mga Agusanons. Tungod niini, mupadayon siya sa pagserbisyo nga malipayon, gawasnon ug dua’y kalinaw uban sa katawhan sa lalawigan sa Agusan del Norte.
