BUTUAN CITY – Nagtuo si House Committee on Human Rights Chairman Rep. Benny Abante nga dili mahimong patas si Senador Ronald “Bato” Dela Rosa sa himoon niining imbestigasyon sa Senado mahitungod sa war on drugs ni kanhi Pangulong Rodrigo Roa Duterte.
Sumala pa ni Rep. Abante nga tungod kay nahimo mang Philippine National Police Chief kaniadto si Dela Rosa ilawom sa termino ni kanhi Presidente Rodrigo Duterte, ug ingon man usa usab kini sa mga gi akusahan nga may kalambigitan sa paglapasa sa balaod, dili matud pa kini mamahimong patas. Sumala ni Abante nga dili mahimong patas ang imbistigasyon kung ang magduki-duki kay mismong ang gitudlo sa mga tistigo.
Posible usab matud pang maapektuhan ang testimonya sa mga resource person kung ang ilahang ibulgar kay mismong ang nangutana sa mga detalye.
