BUTUAN CITY – Gimanduan sa Office of the Ombudsman ang mga tag-as nga opisyal sa Pilipinas nga tubagon ang mga criminal ug administrative allegations batok kanila.
Gilankuban ang maong mga opisyales nila ni Justice Secretary Jesus Crispin Remulla, Interior Secretary Jonvic Remulla, Philippine National Police (PNP) chief Rommel Marbil, ignon man nila ni Special Envoy on Transnational Crime Markus Lacanilao, ug Criminal Investigation and Detection Group Police Maj. Gen. Nicolas Torre III.
Kini subay na usab sa gisang-at nga reklamo ni Senator Imee Marcos, ang chairperson sa Committee on Foreign Relations, akansa nag akusar sa nahisgutang mga opisyal sa arbitrary detention, usurpation of judicial functions, grave threats, perjury, ug uban pa tungod sa pagkasikop ni kanhi Presidente Rodrigo Duterte sa International Criminal Court (ICC).
Sumala sa Ombudsman nga duna lamay 10 ka adlaw ang maong mga opisyal arun sa pag-submitar sa ilahang counter-affidavits, diin nagbahad usab kini nga ugaling dili kini mahimo sa maong mga indibidwal, mamahimo kining mo resulta sa investigation proceeding nga wala ang ilahang depensa.
Nag-ugat ang maong reklamo sa pagkasikop ni kanhi Presidente Rodrigo Roa Duterte sa ICC niadtung Marso 11.
