BUTUAN CITY – Nanghugyaw ang mga magtutudlo gikan sa lima ka mga rehiyon sa Mindanao nga mitambong sa culmiantion program sa National Teacher’s Day 2023 nga gipahigayon sa Father Saturnino Urios University kon FSUU Morellos Campus dinhi sa siyudad sa Butuan, human gibalik-lantaw ni Department of Education Secretary ug Vice President ang love story nila sa iyang amahan nga si kanhi Pangulong Rodrigo Duterte ug ni Agusan del Norte Governor Ma. Angelica Rosedell Amante.
Sa iyang pagpamulong kaganina, gibulgar ni VP Sara nga ang dili matud pa mapugngan nga pagkahimabaye sa iyang amahan ang hinungdan nga gitapos niini ang ilang relasyon.
Saksi matud pa siya kung unsa kahadlok sa iyang amahan ngadto sa gobernadora nga bisan siya idamay pa niini pagpamakak sa iyang mga kabuang.
Sa mga na-uyab matud pa sa iyang amahan, kang Governor Amante lang niya nakita kung unsa ang kahadlok sa iyang amahan ngadto niini kansa iyang nasaksihan dihang estudyante pa siya sa kauluhang Manila.
