BUTUAN CITY – Wala matud pa aksyuni sa kanhi administrasyon ang reklamo ni kanhi Cebu City Mayor Tommy Osmeña batuk kang kanhi Philippine Charity Sweepstakes Office kon PCSO General Manager Royina Garma.
Kini human niya nasayran nga midawat matud pa si Garma og usa ka milyon ka pisos gikan matud pa sa operasyon sa ilegal nga sugal. Personal matud pa siyang mireklamo kang kanhi Pangulong Rodorigo Duterte sa mismong palasyo sa Malakanyang ilabina dihang wala kini mananghid sa iyang labaw nga mubiya na kini sa han-ay sa kapulisan adiser gituboy sa PCSO.
Sigon sa kanhi mayor, gisultihan matud pa siya ni Digong nga didto na lang isulti kang kanhi Special Assistant to the President ug karon Senador Christopher ‘Bong’ Go kansa iya usab nga gihimo apan wala gihapo’y epek.
Kini bisan pa man nga gipakita na niya ang natigom nga mga dokumentong magpamatuod sa iyang reklamo. Hangtud nga nakadawat na lang matud pa siya og tawag nga nagbutyag nga dili na niini hilabtan pa si Garma nga gibansagan sa caller nga president’s woman.
Si kanhi Cebu City Mayor Tommy Osmeña.
