BUTUAN CITY – Gimado ni Pangulong Ferdinand Marcos Jr. nga kinahanglan mahatagan na sa hingpit nga rehabilitasyon ang Marawi City,Lanao del Sur aron makabalik na sa normal ang kinabuhi sa mga Maranao-Muslims sa maong dapit.
Kini ang rason nga gimugna sa presidente ang Presidential Adviser for Marawi Rehabilitation nga kasamtangang gipanguluhan ni Nasser Pangandaman Sr. aron mahuman na ang mag-pito ka tuig na nga trabaho sa gobierno alang sa mga internally displaced persons sa nasangpit nga lugar.
Pagbutyag pa ni Lanao del Sur 1st District Cong.Zia Adiong nga wala moangay ang national nga pangamhanan sa kahinay sa rehabilitasyon sa Marawi, rason gimando ang pagpadali og human niini.
Saysay sa kongresista nga mando usab kini House Speaker Martin Romualdez rason nga mihimo na sila og ocular inspection ignon man public hearing sa kasamtangang kahimtang sa Marawi.
Una nang gihangyo ni Adiong nga hatagan sa prayoridad ang tukmang koneksyon sa tubig, koryente, ingon man plastada nga housing units adiser pabalikon ang IDPs alang sa full intergration sa main battle area.
Kahinumdumang nahagba ang Marawi City niadtugn tuig 2017 tungod sa paglusob sa Maute-ISIS terror group sa maong syudad hinungdang giatbangan kini sa state forces, ningkabat sa lima ka bulan ang engkwuentro ayha nabalik ang kahusay ug kalinaw sa maong syudad.
