BUTUAN CITY- Malampusong gitak-opan ang gipahigayon nga duha ka adlawng Regional Disaster Response Management Conference (RDRMC) 2024 sa Department of Social Welfare and Development (DSWD) Field Office Caraga kagahapong adlawa.
Tumong sa maong kalihukan ang masychronize ang paggamit sa mga datus may kalabutan sa mga gipangandamang katalagman nga moabot unya sa rihiyon. Sumala ni Marko Devey Reyes, ang tigpamaba sa nasangpit nga ahensya, importante ang nasangpit nga kalihukan isip pakigkolaborasyon sa uban nga mga ahensya sa pangamhanan arun mas mapalambo pa ang kapabilidad niini panahon sa mga daot nga panahon sa ma sa bagyo.
Alayon niini, gilusad usab ang DSWD Caraga Mobile Command Center kansa mamahimong mandala sa mga areas nga nanginahanglan og tabang. Tumong usab sa maong kalihukan ang pagpakusog sa real-time nga data center nga maoy magpadali sa pag-input sa mga datos gikan dinhia sa rehiyon ngadto na sa central office, sa ingon dali ra usab mo abot sa mga katawhan ang gikinahanglan unya nga hinabang.
Sa kasamtangan, gipaniguro usab sa opisyal nga padayon gihapon ang pagpangandam sa ilahang ahensya ilabi na sa mga family food packs alang sa mga nanginahanglan og tabang.
Ang pamahayag ni Marko Devey Reyes.
