BUTUAN CITY – Bag-o na ang regional director sa Bureau of Fire Protection kon BFP-Caraga pinaagi ni Fire Sr, Supt. Fred Trajeros jr. Kini human ang gihimong online turn-over ceremony kagahapon diin pulihan niini si Sr. Supt. Rommel Tradeau.
Nagsumikad sa BFP-11 o Davao region ang bag-ong regional director samtang ang pulihan nga si Tradeau, dunay huptan niining posisyon didto sa national headquarters sa BFP.
Sa eksklusibong pakighinabi ning sibyahan kang Fire Sr, Supt Trajeros jr, nagserbisyo na siya sa Caraga niadtong 2017 diin milungtad langs a 8 ka bulan ang iyang pagserbisyu adiser gipulihan ni Tradeau. Kini ang rason nga nagtoo ang opisyal nga duna pa siya’y wala natapos nga transaksiyon dire sa Caraga.
Lakip sa iyang unang prayoridad nga buhaton sa iyang pagserbisyu mao ang pagtukod og operation center sa regional officer sa Surigao City. Tumong niini nga mapahigayon ang mga command conferencing sa paghatag og kamanduan ning panahon sa Covid-19 pandemic aron sa ingon nga ma-abtan sa serbisyu bisan ang mga lagyong lugar.
Sumala pa ni Traojeros jr nga inisyatiba kini sa gipulisan nga opisyal og igo lang niyang e-riyalisar. Kini ilabina kay nagsilbing main responder ang BFP sa Covid-19 diin motabang kini sa himoong decontamination , lectures og contact tracing.
Naghatag og pasidaan nalang kini sa mga personale sa BFP-Caraga nga sa iyang pag-abot lauman ang mas estriktong disiplina sama sa pagsoot sa uniform, kalimpiyu sa fire station og firetruck nga kinahanglang e-check kanunay ilabina kay kadaghanan niini mga karaan na. Sumala pa sa opisyal nga kinahanglang mahimong alerto og vigilante ang fireman aron mas epektibo sa iyang trabaho og serbisyu.
Nasayran nga sa Oktubre 1 usab himaoon ang synchronized oath taking ceremony alang sa batch 2020 diin dinhe sa Caraga muabot sa 71 ang bag-ong recruit nga Fire Officer 1 kon FO1.
