BUTUAN CITY – Gikumpirma sa Department of Agriculture-Bureau of Fisheries and Aquatic Resources ang bag-ong kaso sa makahilong red tide nga ilang natumbok sa pipila ka baybayon sa Bohol ug lain pang tulo ka mga lugar.
Base sa gipagawas nga shellfish bulletin sa ahensya, nagpositibo sa paralytic shellfish poison kon toxic red tide ang shellfish sa kadagatan sa Dauis ug Tagbilaran City sa lalawigan sa Bohol apil na sa Dumanquillas Bay sa Zamboanga del Sur, San Benito sa Surigao del Norte ug Honda Bay sa Puerto Princesa City, Palawan.
Tungod niini, gipahinumduman ang publiko nga ihunong una ang pag-harvest, pagbaligya, pagpalit ug pagkaon og mga shellfish nga gikan sa maong mga lugar.
Sigon sa BFAR, ang tanang klase sa uyabang dili luwas nga kaunon apan mahimong ka-unon ang isda, nukos, pasayan ug alimango basta kini presko ug hugasan og maayo adiser lutuon.
