BUTUAN CITY – Wala na’y nadawat nga direktiba gikan sa Commission on Elections kon COMELEC-Central Office ang COMELEC-Caraga kalabot sa nabani-og nga dili na matud pa mahinayon ang recall election alang sa pagka-mayor sa Cabadbaran City, lalawigan sa Agusan del Norte.
Sa eksklusibong pakighinabi ning sibyahan, gibutyag ni Atty. Francisco Pobe nga ansayod siyang nagduso ang kampo ni incumbent Mayor Katrina Marie Mortola og petition for the issuance of injunction for the issuance of TRO didto sa Korte Suprema.
Apan kung hisgutan ang opisyal nga resolusyon kalabot sa tubag sa Korte Suprema sa maong petisyon, wala pa’y nadawat ang iyang buhatan.
Una matud pang hatagan og kopya sa resolusyon ang partidong nagduso sa petisyon kung duna na’y desisyon ang Korte Suprema.
Sunod na lang usab silang hatagan og kopya pinaagi sa ilang sentrong buhatan kondiin andam usab silang sundon ang madawat nga kamanduan.
Una nang gitakda sa COMELEC en banc ang recall election karong Mayo 5, siyam ka adlaw adiser ang barangay og Sangguniang Kabataan kon SK elections. (Beth Ruiz)
