BUTUAN CITY – Tungod sa dili na makayang kalisdanan sa bukid, boluntaryong mitahan ang usa ka sakop sa New People’s Army kon NPA ngadto sa mga sakop sa 401st Brigade, Philippine Amry sa may Brgy. Awa, Prosperidad, lalawigan sa Agusan del Sur.
Bitbit sa pagtahan ni Rey Betos Valiente alyas Carding, 39-anyos og membro sa Squad 1, sa Pulang Bagani Command kon PBC – 4, Southern Mindanao Regional Committee sa NPA, ang upat ka mga high-powered firearms nga gilangkuban sa usa ka AR18, usa ka M1 Carbine, og duha ka US M1 Garand rifles.
Na-facilitate ang iyang pagtahan human ang malampusong negosasyon pinaagi sa hini-usang paningkamot sa mga sakop sa 23rd Infantry Battalion, Agusan del Norte Police Provincial Office og sa 401st Brigade.
Gawas sa kakapoy sa pag sige og dagan og sa armadong pakisgbisog, gusto na usab niyang maka-uban ang iyang pamilya.
Sigon ni Col. Andres Centino, 401st Brigade Commander, gimando na niya ang pag-facilitate alang sa pagpagawas sa ga benepisyong angayaang madawat ni Valiente.
Maka-ayo usab alang kaniya ang pagpuyong malinawon uban sa iyang pamilya og ilhing usa ka productive citizen aron iyang ma-agni ang nahabilin pang mga NPA members pag-abandona sa rebolusyunaryong kalihukan og ma-avail ang integration program sa kagamhanan. (Beth Ruiz)
