BUTUAN CITY – Ningkuha og inspirasyon sa nasinatiang realidad ang viral nga grade 6 student kansa nag hatag sa iyahang mensahe atul sa graduation ceremony niini sa Linayapan Primary School Davao del Norte.
Sumala ni Teacher Jaylord Marsamolo, ang adviser sa bata nga nailang si Jenilyn Maylas, tinood gayod nga balanghoy, saging, ug kamote lamang ang madali-dali og kunsumo sa pamilya sa maong bata sa ilahang lugar agi sa kalisod sa pamuyo niini.
Kahibaloan nga ning viral ang valedictory speech sa bata tungod sa pagbakho niini sa entabldo samtang gipaabot ang mensahe niini sa mga bisita sa maong kalihokan.
Pagbutyag ni Teacher Jaylord nga mismong si Jenilyn ang nag diktar kaniya kung unsa ang mga ipang butang niini sa iyahang graduation speech, rason nga bisan pa lang sa paggama sa maong mensahe, daw gikumot na ang kasingkasing sa magtutudlo.
Sumala man gud ni Jenilyn nga malipayon gihapon ang ilahang pamilya bisan pa man sa kawad-on, diin usahay, maghilak nalang sila sa kadaghan sa problema.
Wala makapugong ang mga anaa sa nasangpit nga graduation rites sa ilahang mga luha human nga ning bakho ang bata sa paghandum niini sa ilahang pagkaong balanghoy, saging, ug kamote.
Sa kasamtangan, duna nay mga malumong kasingkasing nga nanghatag og grasya alang sa kumonidad sa maong bata, ingon man duna na usay ning angkon og scholarship niini alang sa pagtungha sa high shcool.
Sigon ni Teacher Jaylord nga sa karon, hinay-hinay na usab nila nga ginapasabot sa mga katigulangan og mga ginikanan sa maong dapit ang ka-importante sa edukasyon sa ilahang mga anak, nga usahay, maundang tungod sa ilang kultura nga “Buya” kon arrange marriage. Panawagan usab niini sa mga katawhan nga sama ni Jenilyn, magmalipayon unta ang tanan sa mga butang nga anaa kita karon.
