BUTUAN CITY – Nagpahimangno ang Bureau of Fisheries and Aquatic Resources (BFAR) sa presensya sa makahilo nga red tide sa pipila ka mga coastal waters sa nasud dayong pahimangno sa mga residente nga dili ka-unon ang mga kinhason kon shellfishes gikan sa Dumanquillas Bay sa Zamboanga del Sur, Tantanang Bay sa Zamboanga Sibugay ug Matarinao Bay sa Eastern apil ang alamang.
Base sa advisory sa BFAR, ang maong mga laman-dagat nga makuha niini nga kadagatan, dili luwas nga kaunon sa mga tawo tungod sa seryusong risgo sa panglawas nga mahatud niini apil na ang pagpaminhod, pagkalipong ug sa grabeng mga kaso, ang pagka-paralisa.
Giklaro sa BFAR nga ang makuhang isda, nukos, pasayan ug alimango gikan sa mga apektadong baybayon, luwas nga ka-unon basta presko lang, gihinluan og maayo ug kuhaan og tinai diin magtapok ang mga toxins.
Gi-awhag usab ang mga local governments nga pakusgon ang ilang mga information campaigns aron mapahimangnuan ang mga residente gikan sa pagpanguha ug pagpamaligya sa maong mga kinhason gikan sa apektadong mga lugar.
