BUTUAN CITY – Tulo ka tawo ang patay ug 15 ang angol human nalamba sa kusog nga balod sa sikat nga isla sa Tenerife, sa Espanya. Usa ka babaye ang namatay human nalumos sa dagat duol sa Puerto de la Cruz samtang usa ka lalaki ang namatay usab sa Santa Cruz de Tenerife ug ang ikatulong lalaki nakit-an patay sa dagat duol sa baybayon sa Granadilla.
Gipahimangnoan sa mga emergency services ang publiko nga likayan ang mga dalan duol sa baybayon ug dili magkuha og litrato o video sa balurong dagat ilabina nga pabilin pang daut ang panahon.
Nakuha pa sa mga rescuers ang usa ka lalaki nga nahulog sa tubig sa La Guancha, apan namatay gihapon kini sa ospital.
Usa pa ka lalaki namatay human siya nakit-an nga naglutaw duol sa baybayon sa El Cabezo sa habagatang bahin, kondiin wala na siya maluwas sa mga lifeguards ug medical staff.
Sa Puerto de la Cruz, usa ka resort sa amihanang Tenerife, usa ka babaye ang namatay tungod sa heart attack, ug 10 ka tawo ang nabanlas sa dagat kondiin tulo kanila ang grabeng nasamdan ug gihatod na sa ospital.
