BUTUAN CITY – Nakita na sa Bureau of Customs ang tanang 12 ka mga luxury vehicles nga nakalista sa ilang search warrant sa St. Gerard Construction Company sa Pasig City.
Sumala ni Customs Commissioner Ariel Nepomuceno, gisurender kanila kagabii ang maong mga sasakyan nga nakaparada lang sa compound sa St. Gerard Construction General Contractor and Development Corp’s sa Pasig City.
Lakip sa maong mga sakyanan ang Rolls Royce Cullinan 2023, Bentley Bentayga, Mercedes Benz G-Class (Brabus G-Wagon), Mercedes AMG G 63 SUV 2022, Toyota Tundra 2022, Toyota Sequoia, ug Cadillac Escalade ESV 2021.
Samtang, duna usay Mercedes Benz G 500 SUV 2019, GMC Yukon Denali SUV 2022 (Gas), ug Lincoln Navigator L 2024 nga anaa sa authorized service centers sa pagpa-ayo niini.
Subay niini, gisilyuhan ug gibantayan na ang tanang mga sakyanan sa Bureau of Customs samtang gisusi pa kung duna bay paglapas sa balaod nga n akumitar ang magti-ayong Sara ug Curlee Discaya sama sa wala pagbayad og saktong buhis ug uban pang mga dokumento sa mga imported nga mga luxury cars.
Kadumdumang nakakuha ang BOC og search warrant sa korte alang sa berepikasyon sa 12 ka mga sakyanan sa kontrobersyal nga contractor nga si Sara Discaya, apan duha lamang ang initial nga nakita sa ahensya sa pag raid nila ning mi-aging adlaw hangtud kagahapon.
Tungod niini, gibaharan sa BOC si Discaya nga mag-atubangan og reklamo ugaling dili mapagawas ang mga sakyanang nakalista sa ilang search warrant.
