BUTUAN CITY – Ipadayon sa Pilipinas sa pag-angkat og bugas karong buwana human kini gipahunong ning mi-aging tuig aron matabangan ang lokal nga mga mag-uuma nga nag-atubang og grabeng pagkunhod sa presyo niini.
Ang ban sa ricce importation nagsugod niadtong Setyembre 1, 2025 ug natapos sa katapusan sa tuig.
Bisan pa nga liberalized na ang rice trade, ang Department of Agriculture nakigsabot sa mga stakeholders nga limitahan lang sa 300,000 metric tons ang import hangtod Pebrero.
Niadtong 2025, 3.38 million metric tons lang ang niabot nga bugas kumpara sa 4.8 million metric tons niadtong 2024, nga adunay kalainan nga 1.5 million metric tons.
Sa pagkakaron, nagsugod na ang early harvest ug ang National Food Authority kon NFA, mupalit og palay sa P17–21 matag kilo samtang ang DA nagtinguha nga mapabilin ang presyo sa bugas sa komersyal nga merkado sa kantidad nga P42 matag kilo.
Niadtong 2025, gipalapdan usab sa departamento ang availability sa P20/kilo nga bugas sa 82 ka probinsya, diin nakabaligya sila og 24,000 metric tons gikan Mayo hangtod Disyembre.
