BUTUAN CITY – Laing patayng lawas sa usa ka lalaki ang narekober sa search and rescue team kaganinang alas-onse sa buntag human ang rock ug landslides nga natigayon ning mi-aging gabii dapit sa Tagbulakan Bridge, sa Km 31, Brgy Mahayahay, lungsod sa San Luis, Agusan del Sur.
Kini human unang nakita kagahapon ang patay’ng lawas nila John Paul Abunda, 3-anyos, ug si Junard Gonzales, usa ka drayber sa truck.
Ang ikatulong biktimang narekober mao ang apuhan sa batang si John Paul nga si Jerry Abunda, 47-anyos samtang angpadayon pang gipangita mao ang driver sa laing Saddam truck nga si Elwin Mantibalan, ug ang driver sa motorsiklo nga si Macjoe Nuer.
Daan nang misaad si Mayor Ronald Corvera nga ipadayon sa search and retrieval operations hangtud nga mapalgan ang tanang mga missing ug naghatag og suporta sa mga pamilya sa mga biktima.
