BUTUAN CITY – Gipasabot ni Vice President Sara Duterte ang rason nganong gisinggit sa mga overseas Filipino workers ug mga foreign supporters nga mitambong sa iyang gihimong ‘meet and greet’ kagahapon sa The Hague, Netherlands, ang mga pulong nga ‘Marcos resign.’
Kini tungod kay sa pagka-presidente sa usa ka nasud, dapat anaa sa saktong pangisip ang mga desisyon niini tungod kay dinhi nag-agad ang kaugmaon sa kabatan-unan ug sa nasud.
Giklaro pa ni VP Sara nga importante usab ang drug test sa kapasidad ug abilidad sa usa ka pangulo nga dumalahon ang nasud ug ang dili pagsunod sa demand sa katawhan nga magpa-drug test, makonsiderang paglu-ib sa pagsalig sa publiko ilabina nga kinahanglang masayran sa katawhan nga sakto ang decision-making niini.
