BUTUAN CITY- Himas-rehas ang usa ka suspek sa pagpang rape og usa ka 16 anyos nga batang babaye, human kini na tud-an sa mga kapulisan ang iyahang nahimutangan tungod sa iyahang mga “My Day” nga gina upload sa facebook.
Sumala sa mga kapulsan sa Amadeo Municipal Police Station sa Barangay Sta. Cruz, Guiguinto, dali ra matud pa nilang nasuta ang lokasyon sa 26-anyos nga lalaki tungod sa mga uploads niini nga mga selfies sa iyahang facebook messenger nga “My Day”.
Sigon ni PMaj. Gilbert Derla, hepe sa Amadeo police, suspek matud pa ang maong lalaki sa pagpanglugos sa 16-anyos nga babaye sa Camiling, Tarlac, duha ka tuig na ang nakalabay.
Apan ning mga nakalabay nga semana, nasuta sa mga kapulisan ang nahimutangan sa maong lalaki kansa mao ang peryahan nga iyahang gitrabahoan utngod sa mga nakapublic niini nga mga posts.
Nailhan sa mga kapulisan ang maong susupek sa facebook bisan kon gibag-o na niini ang iyahang pangalan. Sigon sa nahisgutang Police Officer nga lakip ang maong lalaki sa most wanted person sa Cavite tungod sa iyahang kaso.
