BUTUAN CITY – Nagbitay na ug wala na’y kinabuhi sulod sa iyang selda sa Butuan City Jail ang usa ka gwardiyang gitumbok nga milugos- patay sa 7-anyos nga batang iyang silingan sa Brgy. Basag ning siyudad niadtong Marso ning tuiga.
Sa inisyal nga impormasyong gipagawas ni Jail Officer 1 kon JO1 Acompañado, wala na’y kinabuhi dihang napalgan kaganinang buntag sulod sa iyang selda ang 29-anyos nga si Dondon Acedo, usa ka gwardiya ingon man mag-uuma.
Madumdumang nakumpirma nga si Acedo ang milugos-patay sa bata nga gilabay pa niini sa uga na nga atabay human nasuta nga natigayon ang kremin pila ka gutlo lang human mipa-uli ang suspetsado gikan sa ilang panag-inom ingon man sa pipila ka ebidensyang nakuha gikan sa pinuy-anan niini apil na ang nagkadugo niya nga t-shirt.
