BUTUAN CITY – Tumang kalipay ang gibati sa Team CaraGold sa ilang pagsalmot sa Palarong Pambansa 2024 nga gitapos na kagahapong adlawa tungod kay gikan sa ika-15 nga pwesto ning mi-aging tuig, nabutang sila karon sa ika-12 ug naka-abot pa sa ikanapulo nga pwesto adiser ang final medal tally.
Sa eksklusibong pakighinabi ning sibyahan, gibutyag ni Pedro Tecson, tigpamaba sa Department of Education kon DepEd-Caraga, gawas sa mga nahakot nga 11 ka gold, 13 ka silver ug 24 ka mga bronze medals, nakadawat usab sila og special awards gikan sa Palaro organizers human nakita ang maayong performance sa ilang delegasyon.
Layo matud pa ang na-abtan karon sa Team CaraGold kung ikumpara sa mi-agi nga anaa lang sa upat ka gold medals ang ilang nakuha.
Nasayrang duna na’y ubang mga atletang una nang nanguli human gisunod sa ilang mga ginikanan, guardians ug kabanay samtang ugmang adlawa pa ang pagbiya sa delegasyon pa-uli ning rehiyon.
Karong adlawa, gi-tour pa ang nabilin nga mga atleta aron maka-relax human ang pila ka adlaw nga pressure nga makakuha og medalya.
