BUTUAN CITY – Naghimo og warehouse inspection ingon man random weighing sa fertilizer bags ang Fertilizer and Pesticide Authority kon FPA CARAGA sa Butuan City ning nakalabayng adlaw.
Tumong sa maong aktibidad ang masiguro nga ang mga distributor, dealers ignon man mga mag-uuma kay makakuha ug insaktong timbang sa fertilizer.
Subay sa gihimong inspeksyon, dunay kinatibuk-ang 563 ka mga bags sa 8-2-1 fertilizer bags ang nakitang mas ubos sa timbang nga gitakda sa Fertilizer and Pesticide Authority kon FPA. Gihatagab usab og gibug-aton ni Deputy Executive Director for Fertilizer, Dr. Myer G. Mula ang insaktong pagpilo ug pagsira sa mga fertilizer bags tungod kay ang mga single stitched bags, naobserbahang dali rang mausik.
Giabisuhan usab sa Fertilizer and Pesticide Authority kon FPA Caraga ang mga mag-uuma nga ang mga fertilizer bag nga kuwang sa timbang kay naka apekto sa mga pananum nga ming resulta matud pa sa ubos nga produksyon.
