BUTUAN CITY – Opisyal nang magsugod ugmang adlawa, Huwebes, Pebrero 19 ang balaan nga buwan sa Ramadan sa nasud.
Sumala sa National Commission on Muslim Filipinos, nga kini ang nahimong resulta sa moon sightings nga gihimo nila kauban ang Bangsamoro Autonomous Region in Muslim Mindanao kon BARMM Darul Ifta ug ubang mga Ulama group bisan ang Philippine Atmospheric Geophysical and Astronomical Services Administration kon PAGASA diin wala nila nakita ang Hilal o ang buwan.
Sa gihimo usab nga anunsiyo ni Grand Mufti Sheikh Abdulrauf Guialani sa Bangsamoro Darul-Ifta’ (BDI) sa Shariff Kabuksuan Cultural Complex (SKCC), Bangsamoro Government Center (BGC) nakadawat sila og taho sa moon sightings gikan sa mga grupo sa Bangsamoro region nga anaa sa Manila Bay, General Santos City, Sultan Kudarat, Sarangani ug Sulu.
Sa nasud ang moon sighting gihimo sa mga lugar sa Cotabato City ug Manila.
Gitambagan usab sa NCMF ang mga Muslims nga nagtrabaho sa gobyerno sa nasud nga himoon ang flexible nga oras sa pagtrabaho matag buwan sa Ramadan.
Naghatag usab og pahinumdum si Ustadz Marhan Borhan, executive director sa Darul-Ifta’ sa Bangsamoro Autonomous Region in Muslim Mindanao kon BARMM.
