BUTUAN CITY – Gitutukan karon sa Regional Alternative Child-Care Office kon RACCO-Caraga ang pagsagop ug pag-atiman sa kabataan sa rehiyon nga nasulod sa ‘Adoption and Child-Care services sa gobyerno.
Sigon ni Emily Sanogal, officer-in-charge sa maong buhatan, gituyo ang paglusad sa maong program tungod sa kadaghan sa mga bata nga angayang proteksyon, angayang makabaton og permanenteng pamilya o kaha masakop man sila sa pag-atiman sa ilang mahimong foster family.
Kini isip tubag na usab niadtong magti-ayon nga gustong makabaton og anak, kadugo man nila o dili, subay sa kasibot nga mahatagan sila og maayong ugma o kaha maproteksyunan gikan sa mga posibleng dili maayong mahitabo kanila kung wala’y mag-atiman kanila.
Gipasabot ni Sanogal nga duna’y upat ka mga kategoriya nga ilang gipatuman sa pag-adopt o kaha pag-atiman og bata.
Kini mao ang gi-abndonang mga bata, duna usa’y gitawag nga founding children ug surrendered children kon mga bata nga gi-surrender sa ginakanan ngadto sa gobyerno aron maprotektahan sa gobyerno.
Gikan niadtong tuig 2023 hangrud karon, mi-abot na sa 74 ka mga bata ang na-isyuhan na og order of adoption and finality.
