BUTUAN CITY – Target karon sa gobyerno nga mahimo nang rabies-free ang Pilipinas pag-abot sa tuig 2030 rason nga padayon ang rabies awareness and advocacy campaign pinaagi sa pag-obserba matag-buwan sa Marso sa Rabies Awareness Month kondiin karong tuiga, ilawom kini sa temang ‘Rabies-free na pusa’t aso, kaligtasan ng pamilyang Pilipino’.
Sa eksklusibong pakighinabi sa Bombo Radyo Butuan, gibutyag ni Agusan del Norte provincial veterinarian Dr. Belen Aruelo nga ubay-ubay nga mga kalihukan ang ilang himuon nga sugdan karong adlawa sa pagpangbitay nila og mga streamers subay sa maong kampanya.
Sundan kini sa anti-rabies vaccination sa kalungsuran kondiin target nilang makabakuna og 80-porsiento sa populasyon sa mga iro ug iring sa kada-lungsod o kaha komunidad subay na usab sa ilang target nga wala na’y matalang kaso sa rabis sa kada-lungsod nga maoy basehan nga madeklara kining rabies-free.
Mapasalamaton si Dra. Aruelo tungod kay suportado sa probinsyal nga panggamhanan pagpanguna ni Governor Ma. Angelica Rosedell Amante ang maong programa.
Kamatu-uran niini ang paggahin kada-tuig og mga anti-rabies vaccines aron magamit sa ilang pagpamakuna sa mga binuhing kahayupan.
