BUTUAN CITY – Opisyal nang giila sa Guinness World Records ang usa ka lionhead rabbit nga ginganlag Herbie isip “Oldest Living Rabbit In The World” human kini miabot sa edad nga 15 ka tuig og 82 ka adlaw.
Kasagarang molungtad lang o 7 hangtud sa 10 ka tuig ang kinabuhi sa nasangpit nga breed, rasong nakurat sila Richard ug Melissa Dunham sa dihang hingpit nang madoble ni Herbie ang gilaumang gitas-on sa kinabuhi niini.
Gi-atiman sa magti-ayon ang kuneho niadtong kini walo ka tuig pa lang.
Sulod sa taas nga kinabuhi ni Herbie, nakabaton siya og tulo ka “asawa” (sila Flopsy, Tinks, ug Betty) nga namatay na tanan niyang mga kapares.
Sigon ni Melissa, hilabihan kakusgan og daw “bossy” ang personalidad sa ilang alaga.
Hilig kini magpagukod kang Richard isip usa ka dula ug sige usab kini mag-binky, usa ka klase sa pag-ambak og pag-flip sa ere nga gihimo sa mga rabbit kung sila malipayon.
Bisan paman sa pagka-palaban niini niadtong batan-on pa kini, mas nahimong lambing ug kalmado si Herbie sa pagkatigulang niini nga sagad magtapad sila sa sofa.
