BUTUAN CITY – Wala na mupirma sa manifesto of support alang kang House Speaker Martin Romualdez si Bacolod City Rep. Alfredo “Albee” Benitez kondiin ang maong manifesto, gi-circulate sa mga kongresista sa Negros Island Region (NIR) kagahapon Septembre 15, 2025.
Gawas kang Rep. Albee Benitez, wala usab mipirma niini ang iyang anak nga si Rep. Javi Benitez (Negros Occidental 3rd District) ug sigon ni Rep. Jeffrey Ferrer, expected na na kini tungod kay interesado matud pa siya sa speakership.
Gikwestyon ni Rep. Javi Benitez ang motibo sa manifesto kung nganong ang NIR lang ang gi-highlight ug dili ang ubang rehiyon dungan sa pagklaro nga wala pa siya mibiya sa majority bloc, apan midistansya una siya sa liderato ni Romualdez kansa nagpakita lang sa nagkadako nga tsismis sa posibleng leadership shake-up sa House of Representatives
Nagpakita kini nga ang Negros Island Region mahimong sentro sa political tension, ilabina kung si Albee Benitez tinuod nga nagtinguha sa speakership apan sigon niini, dili niya suportahan si House Speaker Martin Romualdez tungod kay duna’y mga seryosong isyu pa gihapong wala masulbad sama sa mga ghost flood control projects nga gi-angin ang iyang pangalan, kuwestiyonableng budget insertions, ingon man ang kakulang sa transparency sa proseso sa budget.
Dugang ni Benitez, girespeto niya ang desisyon sa mga ka-ubanan niyang magbabalaud sa Negros Island Region nga suportado si Romualdez aron dili madaut ang ilang distrito, apan mas gipili niyang magpabiling independent aron ipamugos ang integridad ug tulubagon sa Kongreso
