BUTUAN CITY – Naukay ang tennis world human sa nahitabong resulta sa gentlemen’s semi final kagabie sa Wimbledon, ang pinaka sikat ug pinaka-pretihiyosong Tennis Tournament sa tibook kalibutan.
Kulba-hinam ang nasangpit nga resulta human nga gikatakdang mag-agbat sa Finals ang kasamtangang number 1 ug number 2 nga tennis player sa kalibutan sa gabie, Dominggo.
Kini human giparot ni World’s number 1 Jannik Sinner sa semis si World’s number 6 Novak Djokovic pinaagi sa iskor nga 6-3, 6-3, 6-4.
Samtang giparot usab ni Number 2 Carlos Alcaraz si world’s number 5 Taylor Fritz pinaagi sa iskor nga 6-4, 5-7, 6-3, 7-6.
Sayrang importante alang sa Espanyol nga si Alcaraz ang kasamtangang championships arun masakmit niini ang ikatulong sunod-sunod nga kadaugan sa nahisgutang torneo, ug arun malakip kini sa gitawag nga mga “legends” sa maong dula kauban sila 8-time Wimbledon Champion Roger Federer ug 7-peat champion Novak Djokovic.
Subway niini, excited na si Alcaraz sa mamahimong match nila ni Sinner.
Ang pamahayag ni Carlos Alcaraz.
Alang usab kang Jannik Sinner, importante nga makadaug kini sa maong championship arun mabawi niini ang kaparutan sa French Open kon Roland Garros naidtung Hunyo, ug ugaling paboran sa kahigayunan, kini na unya ang pinaka una niining kadaugan sa Wimbledon, saad usab ni Sinner, mamahimong enjoyable ang ilaha unyang panag-agbat ni Carlos.
Ang pamahayag ni Jannik Sinner.
