BUTUAN CITY – Hugot nga nagtoo ang boxing analyst ning dakbayan nga dunay dakong tsansa si People’s Champ Manny Pacquiao sa dula nila karong adlawa ni Mexican-American Boxer Mario Barrios.
Sumala ni Arnold Quiambao, dako matud pa ang tsansa ni Manny Pacquiao ilabi na kon basehan ang records niini. Sayrang subay sa Record sa duha, dehado ang Mehikano pinaagi sa 29 niini ka mga natalang daog sa 22 nini ka mga away, samtang si Pacquiao, duna nay 62 ka daog sa tanang 73 niini ka away. Dugang ni Quiambao nga sa edad nga 46, wala pa nawala ang kapaspas sa lihok ni Pacquiao.
Anaa pa usab ang Power ug timing niini. Sayrang gikinahanglan matud pa ang maong tulo ka mga elemento arun mamahimong malampuson sa duwa ang usa ka boksingero. Sumala niini nga bisan kon retirado na si Pacquiao, wala gihapon kini niundang og ensayo, rason nga wala pa nawala niini ang ihayang gihawirang abilidad.
Dugang ni Quiambao nga taliwala sa age gap nila ni Barrios ug Pacquiao, diin makita gayud ang kasibot ni Barrios nga mo daug tali sa 46 anyos na nga si Paquiao, dili matud pa malilong nga dako na ang experience ni Paquiao sa Boxing Ring ug dili na kini basta-basta ma pildi pa.
Dugang pa sa boxing analyst nga dili ra usab ka bintahaan si Manny bisan kon mubo kini kon itandi sa kalabang 6-footer tungod kay sweto naman kini sa pasikot-sikot sa mga techniques sa mga mugbo ilabi na sa natad sa boksing.
Sa kasamtangan, giatangan na sa mga Pilipino ang away tali ni Manny Pacquiao ug Mario Barrios karong bandang alas 8 sa buntag, oras sa Pilipinas.
