BUTUAN CITY – Giklaro sa Department of Justice nga wala pay kumpermasyon ang ahensya kung tinood bang bukog sa mga tawo ang narekober sa may Taal lake.
Sumala ni Justice Assistant Secretary ug Spokesperson Mico Clavano, duna matud pay posibilidad nga dili bukog sa mga tawo ang mga narekober sa Philippine National Police ug Philippine Coast Guard, kansa gisulod pa og sako.
Sayrang naghimo ang nasangpit nga ahensya og ‘search and retrieval operations’ sa Taal lake alang sa pagpangita sa mga bukog sa mga nangawalang sabungero.
Sigon sa tigpamaba nga gilikayan sa Department of Justice nga tas-an ang ‘expectation’ tungod kay wala pa matino kung unsa ang sulod sa mga sakong nakuha.
Apan naglaom gihapon ang ahensya nga gihimo sa Philippine Coast Guard ang tanan niining makaya alang sa nasangpit nga operasyon mahitungod sa kas sa mga nangawalang sabungero.
Kahinumdumang sa maong lawa gipangita ang nasangpit nga mga bukog sa maong mga sabungero, human gikanta sa whistleblower nga si Alyas Totoy kon Julie Patidongan nga sa maong dapit gitambog ang mga biktima.
Posibleng mo abot pa og duha ka adlaw ang resulta sa gihimong forensic examination sa maong mga bukog.
