BUTUAN CITY – Dili magpa-apekto ang Department of Justice sa pag-atras sa pipila ka mga kabanay sa mga nangawalang sabungeros.
Sumala ni Department of Justice Secretary Jesus Crispin Remulla, ipadayon gihapon nila ang case buildup sa mga missing sabungeros taliwala pa man sa mga hungihong nga dunay ubang pamilya sa mga nangawala nga sabungeros ang mu-atras na lang.
Sumala niini, padayon gihapon ang ilang pagpanguha og mga ebidensya alang sa pagtudlo kung unsang mga kaso ang kinahanglang ipasaka batok sa mga suspetsado.
Dugang pa sa kalihim, dili kini hisgutanan alang lamang sa mga pamilya sa mga biktima, kundili apil na sa tibook nasod.
Dugang pa ni Remulla, nakadepende sa maong kaso ang kahapsay sa sosyodad tungod kay pamatuod lamang matud pa kini nga duna’y usa lamang ka tawo nga nagmando kung kinsa lamay buhion, o kinsa ang patyon.
Ang pamahayag ni Department of Justice Secretary Jesus Crispin Remulla.
