BUTUAN CITY – Gitugyan na sa Department of Education Secretary Sonny Angara ngadto sa Kamara ang desisyon kung tangtangon ba o dili ang Senior High School Curriculum ilawom sa K-12 program tungod matud pa sa sayop ng implementasyon sa programa.
Kahinumduman nga nag-file og sugyot balaudnon si Senate President Pro Tempore Jinggoy Estrada nga nagtinguhang tangtang na senior high school curriculum tungod kay wala gihapon nakab-ot ang tumong niining makatrabaho na ang mga estudyante nga graduate na sa Senior High School.
Migawas kini nga assessment 12 ka tuig sukad napapasar ang Republic Act No. 10533 o mas naila usab nga Enhanced Basic Education Act of 2013. Sumala ni Angara, aduna sila’y ipatuman nga implementasyon nga kabag-ohan sa SHS Curriculum karong abli sa klase sa Hunyo 16.
Aduna matud pa’y 841 ka mga eskwelahan nga mulambigit sa nasangpit nga kabag-ohan kondiin ang 15 ka subjects matag-semester, himuon na lang nga lima matag-tuig.
Langkuban na lang kini sa Effective Communication (Mabisang Komunikasyon), Life Skills, General Mathematics, General Science, ug ang Pag-aaral ng Kasaysayan at Lipunang Pilipino. Tanan matud pang mga wala ma-apil nga mga subjects, tawgon nga electives inay nga applied and specialized subjects.
