BUTUAN CITY – Gipaniguro sa palasyo ng Malakanyang nga abli si Pangulong Ferdinand Marcos sa dayalogo alang sa kooperasyon ug kalig-on sa demokrasya sa atong nasud tungod sa init ang panaglalis sa duha ka balay-balaoranan human sa gihimong lakang sa Senate impeachment court nga i-remand o ibalik sa House of Representatives ang Articles of Impeachment ni VP Sara.
Sumala ni Palace Press Officer Undersecretary Claire Castro, parehong nilambigit sa gihimong Vin D’Honneur ang duha ka mga lider kondiin nagka-istorya sila si Senate President Chiz Escudero ug House Speaker Martin Romualdez. Nagtuo si Pangulong Marcos nga masulbad ra ang bisan unsang isyu ug dili pagsinabtanay sa duha ka panig.
Pagklaro pa ni USec. Castro, dili siya makasulti kung sugdan ba ni Pangulong Marcos ang panaghisgot nila ni Escudero ug Romualdez sanglit una namang gibarugan sa presidente nga dili siya manghilabot sa isyu sa impeachment batok kang VP Sara.
Gipaniguro usab sa Palace official nga mahimong pangunahan sa Presidente ang hisgutanan mahitungod sa ubang isyu sama sa wage hike, magna carta sa barangay, health care ug uban pa.
