BUTUAN CITY – Gipa-imbestigahan na ni Philippine National Police (PNP) Chief Police Gen. Rommel Francisco Marbil ang expose ni Police Lieutenant Col. Jovie Espenido kalabot sa quota ug reward system sa war in drugs ilabina sa Oplan Double Barrel nga gipatuman sa administrasyong Duterte.
Sumala ni Gen. Marbil, bug-at ang maong pasangil nga nakahatag og kabalaka sa publiko.
Alayon niini, ang review panel nga gilangkuban sa Office of the Deputy Chief PNP for Operations (ODCO) ingon man sa PNP Quad Staff, Internal Affairs Service (IAS) ug Human Rights Office, maoy gitahasan sa imbestigasyon.
Gimanduan niini ang maong panel nga i-evaluate ang Oplan Double Barrel ilabina ang pagsuhid sa tanang aspeto sa kampanya kontra sa droga, partikular kadtong duna’y kalabutan sa tawhanong katungod, operational protocols, ingon man accountability mechanism.
Gihatagan usab og gibug-aton sa PNP Chief ang ka-importante sa nasangpit nga imbestigasyon ilabina sa legal standard ug ethical guidelines niini.
