BUTUAN CITY – Gibuak na ni KOJC kon Kingdom of Jesus Christ Leader Pastor Apollo Quiboloy ang kahilom niini mahitungod sa mga kasong iyahang giatuabang sa Pilipinas ingon man sa America, kini human nga nagpagawas ang maong lider sa iyahang pamahayag pinaagi sa Audio kaganinang buntag, Abril 6, nga gi ere sa media-arm niini nga iyahang gipangulohan.
Gipagawas ni Quiboloy ang nasangpit nga pamahayag tulo ka adlaw huaman gihaon kaniya sa National Bureau of Investigation (NBI) ingon man sa Philippine National Police kon (PNP) ang duha ka mga warrant of arrests pinaagi sa Davao regional court kontra sa maong indibidwal ug lain pang lima ka mga kaubanan niini, diin kahibaloan nga sa unom ka mga suspek, bugtong ang lider na lamang ang nagpabiling gawasnon.
Giklaro usab niini nga wala siya nagtago-tago, kundili giprotektahan lamang niini ang iyahang kaugalingon. Sumala pa ni Quiboloy nga “Ako po ay hindi nagtatago sa kasong ito dahil ako po ay may kasalanan. Hindi po. Ako ay umiiwas dahil pinoprotektahan ko ang aking sarili,”
(Wala ko nagtago-tago tungod kay naa koy sala. Dili. Naglikay lang ko tungod kay akong giprotektahan ang akong kaugalingon)
EXTRAORDINARY RENDITION
Sigon nini nga atubangon lamang niya ang mga nang-akusar kaniya kung undangon na usab sa America ang pagpanginlabot sa mga kaso batok kaniya. Alayon niini gikausahan ni Quiboloy ang mga otoridad sa USA nga kidnapon matud pa siya ug patyon pinaagi sa pag assassinate o kaha mamatay nalamang siya sa mga ‘natural casues’ sama sa heart attack ug uban pa, imbis nga e-extradite lamang siya. Kini usab ang gitudlo niining hinungdan nga nangandam sila uban sa iyahang mga kaubanan, adlaw man o gabie, ugaling iligal silang sulongon sa mga “puti” o Amerikano alang sa gikaingon niining “extraordinary rendition”.
Dugang niini, mismong si Presidente Ferdinand “Bongbong” Marcos Jr. pa ang naghatag kaniya ngadto na sa mga otoridad sa America. Hinungdan nga ang mga lakang sa Senado ingon man sa House of representatives batok kaniya kay ilalum na matud pa sa empluwensya sa maong nasod.
“Kaya ang lahat po nang nasa likod nang ito ay ang mga ‘puti’. Ang mga drones na ‘yan, surveillance na mga iyan ‘CIA’ po iyan. Mga FBI po lahat nang iyan. Ayaw nilang dumaan sa prosesso na tama, gusto nila extraordinary rendition ” dugang niini nga “sapagkat ‘yan ay maaring kidnapping”.
(Maong tanan nga naa sa likod niini, mga ‘puti’. Kanang mga drones, mga surveillance, CIA na. Mga FBI na tanan. Di sila gusto mo agi sa insaktong proseso kay extraordinary rendition ilang gusto)
Saad niini nga atubangon niya ang maong “simple” lamang nga mga kaso nga gibuno batok kaniya kung dili manginlabot ang mga “puti” niini.
Kahinumdumang dili kini ang unang higayon nga giakusahan ni Quiboloy ang US, partikular sa FBI, US Central Intelligence Agency o CIA, ingon man ang Marcos administration sa extraordinary rendition.
Kahibaloang nabutang si Quiboloy sa US Federal Bureau of Investigation’s (FBI) list of most wanted human kini giakusahan sa federal grand jury sa California district court niadtong 2021, uban sa mga kaubanan niini, sa mga kasong may kalabutan sa sex trafficking, fraud and coercion, misuse of visas, bulk cash smuggling, ingon man money laundering.
KONDESYONES ARON MOATUBANG SA KORTE
Sumala ni Quiboloy nga moatubang lamang siya sa korte sa kondisyon nga e-garantiya nila ni Marcos, Justice Secretary Jesus Crispin Remulla, ug uban pang mga law enforcement agencies nga dili manginlabot ang US ug dili siya patyon. Dugang niini nga kinahanglang “written” matud pa ang maong garantiya. Laing kondisyon sa iyang pag-surrender, mao nga kung undangon na sa komite ni Senadora Risa Hontiveros ang nagtunhay nga imbestigasyon sa giingong pagpangabuso nga nahimo niini batok sa kanhi niyang mga trabahante sa KOJC.
Giakusahan usab niini si Senadora Risa Hontiveros nga gibayaran matud pa ang mga witnesses aron nga motestigo batok kaniya. Hagit ni Quiboloy ang Senadora, undangon na ang “kaartihan” niini sa Senado og magkita na lamang sila sa Korte.
“WISDOM OF GOD”
Dugang pa, giakbutyag usab sa maong lider nga kaalam matud pa sa Dios ang desisyon niining dili mosurrender sa mga kamot sa pangamhanan. “I am preserving myself…iniingatan po ako nga Ama.”
(Gipreserbar ko lang ang akong kaugalingon…Giampingan lang ko sa Amahan.)
Sumala niini nga ang maong kaalam gikan sa Ginoo, usa sa mga pamaagi nga dili siya mahagbong sa mga kamot sa mga gustong mokuha sa iyahang kinabuhi.
“MAMATAY WITH HONOR”
Wala usab mapugngi ni Quiboloy nga mo hilak ulahing bahin sa pamahayag niini, diin giklaro niining dili siya magpapatay sa mga kamot sa laing nasyonaidad “Tandaan po ninyo: Ako’y mamamatay with honor. Tatayo ako para sa mga ginipit, kinunan ng katarungan, kinunan ng hustisya sa bansang ito. Dito tutulo ang aking dugo. Dito ako mamamatay. Bahala na, basta Pilipino ang papatay sa akin. OK sa akin iyon,”
(Hinumdumi ninyo: Mamatay ko nga dunay dungog. Mobarog ko alang sa mga gipang-ipit, ingon man sa mga gipanghikawan og hustisya niining nasora. Diri ko mamatay. Bahala na, basta Pilipino ang mopatay sa ako. Okay ra na sa akoa.)
Kahinumdumang gikataw-an lamang ni Presidente Marcos Jr. niadtung pebrero ang mga palakad ni Quiboloy nga e-assasinate matud pa siya “Hindi ko naiintindihan ‘yung sinasabi niya. Bakit siya i-assassinate”
(Wala ko kasabot sa iyang mga ginapang-ingon. nganong i-assassinate man siya?)
Sigon usab ni Quiboloy sa maong pamahayag nga dili siya magpadakop nga buhi, “Hindi ako magpapahuli nang buhay“.
