-- ADVERTISEMENT --
BUTUAN CITY – Hugtanong gikondena sa Qatari government ang pagpa-ulan og mga missiles sa Iran tumong sa ilang nasud.
Sa pag-atubang sa mga tigbalita ni Qatar Foreign Ministry spokesperson Majed Al Ansari, gipadayag niini nga ang maong pag-atake usa ka klarong paglapas sa sobereniya sa ilang estado ingon man sa palisiya sa pagka-maayong silingan nila nga mga nasud, ug agresyon usab matud pa sa international law.
Gipadayag usab niini nga manimalos sila sa gihimo sa Iran kondiin ang ilang himuong panimalos, base na sa gidak-on sa ilang pag-atake.
Gipaniguro usab niini ngadto sa ilang katawhan ug sa tibuok kalibutan nga uban sa paggiya sa Kahitas-an, ilang na-intercept ang tanang missiles nga gitira sa Iran kanila.
