BUTUAN CITY – Dili mu-ubos sa 20 ka mga tawo ang patay human mitay-og ang magnitude 6.0 nga linog sa sidlakang bahin sa Afghanistan nga duna’y giladmon nga 8km (6 ka milya) samtang kapin sa usa ka gatus ang gipatambal sa mga ospital tungod sa mga samad nga na-angkon.
Daghang mga balay ang natabonan sa mga tipaka sa nahugnong m ga dakbalay ug gila-umang musaka pa ang ihap sa mga nakalas samtang nagpadayon pa ang search and rescue operations.
Napangayo na karon og tabang ang mga opisyal sa gobyerno sa Taliban pinaagi sa mga humanitarian organizations aron masuportahan ang mga rescue operations sa hilit nga kabukiran ilabina nga pipila sa mga niini , ma-abot lang pinaagi sa eroplano tungod sa mga landslide ug baha.
Nabati usab ang linog gikan sa Kabul hangtod sa Islamabad, ang capital sa Pakistan, kansa kapin sa 300km (186 milya) ang gilay-on gikan sa Afghanistan.
