Kasamtangang balhog sa Mambaling Police Station detention facility sa Brgy. Mambalin, Cebu, City ang usa ka mayuhang human kini nasakpang nangawat og cellphone sulod sa mini market sa Brgy. Duljo Cebu, niadtung Mayo 26, 2025.
Giila ang suspek nga si ‘alyas Daniella’, 30-anyos, mahuyang ug lumad nga taga dakbayan sa Bogo.
Subay sa imbistigasyon, nagsuroysuroy matud pa sa dakbayan sa Sugbo ang maong indibidwal, kinsa nakita sa CCTV nga maoy suspek sa pagpangawat og cellphone.
Sa pakighinabi sa Bombo Newsteam, giangkon sa suspek ang pagpangawat niini, diin sumala pa nakita lamang niya ang cellphone nga anaa sa lamesa sulod sa mini market ug wala siyay nakitang tawo sulod sa maong tindahan hinungdan nga iya kining gikuha sa pagtoong “grasya” ang maong butang.
Pasabot pa sa suspek nga gibaligya lamang niya ang maong cellphone sa kantidad nga P1,500.00.
Subay niini, gipanglaki gilayon niya ang halin sa nasangpit nga cellphone, kansang mga kleyente, gihatagan lamang niini og tag-P150 ngadto sa P200.
Giangkon usab sa biktima nga nalambigit siya sa paggamit og illegal nga drugas, kansa sumala niini, “pampa-sexy” lamang ang nasangpit nga butang.
