BUTUAN CITY – Gihikay na sa abogado ni kanhi Butuan City, Libertad Brgy. Captain Menchie Rosario ang P90,000.00 nga pyansa alang sa iyang temporaryong kagawasan human siya gisikop kagahapon sa hapon sa iyang pinuy-anan tungod sa paglapas sa Republic Act No. 3019 kon mas nailang Anti-Graft and Corrupt Practices Act.
Base sa imprmasyong nakuha sa Bombo Radyo Butuan, nagsumikad ang kaso nga gipasaka sa mikwestyon sa gipatukod nga proyekto sa barangay hall ubos sa kadumalahan sa kanhi kapitan.
Nasayran nga una nang giduso ang maong reklamo sa Sangguniang Panlunsod ning syudad sa Butuan apan wala na madesisyuni human nga-abtan sa election period.
Sigon ni PCaptain Anne Cubio, tigpamaba sa Criminal Investigation and Detection Group kon CIDG-Caraga, anaa sa maayong kahimtang si Rosario kinsa gipa-ilalom pa nila sa medical examination.
