BUTUAN CITY – Gikumpirma ni Surigao City Mayor Pablo Yves Dumlao II nga nakig-alayon na sila sa Surigao Metropolitan Water District kon SMWD human gi-asyumir sa water district ang operasyon sa Prime Water Infrastructure Corporation kon PWIC human gi-revoke sa city government ang business permit niini.
Ilang gitutukan karon ang ang mga estratihiya alang sa pag-modernize wa local water system human ang kanselasyon sa Prime Water contract.
Kinahanglan matud pa ang mas suod nga partnership aron mahatagan og mas kasaligan ug malahutayong water supply ang tanang Surigaonons.
Gihikyad na sa Local Government Unit ang usa ka proposed project nga gidesinyo aron suportahan ang rehabilitasyon ug pagpalambo sa water facilities sa ingon matubag na ang tanang nagtunhay nga infrastructure gaps ug masiguro ang mas maayong service delivery ngadto sa kabalayan.
Sigon ni SMWD General Manager Engr Benjamin Ensomo Jr., sila na ang mi-asyumir sa operasyon sa PWIC apilniini ang paghatag og tubig-mainom ngadto sa mga constituents sa ilang siyudad ug kasikbit nga mga lungsod sa San Francisco ug Sison sa Surigao del Norte.
Ilawom sa Presidential Decree No. 198, sila usab ang gitahasan sa maintenance sa water facilities apil na ang kagamitan ug bill collections.
