BUTUAN CITY – Usa ka person with disability kon PWD ang patay sa pagka-abo sa upat ka balay atol sa sunog kagahapon sa may P-6, Sitio Amamaylan, Brgy. Baan Km. 3, ning siyudad sa Butuan. Sigon ni Butuan City Central Fire Station head Filre Sr. Insp. Ronald Vasquez, nagsugod pag-ulbo ang kalayo pasado ala-1:48 sa hapon ug nadeklarang fireout pagka-alas-2:46 usab sa hapon.
Sa eksklusibong pakighinabi sa Bombo Radyo Butuan, gibutyag sa residenteng si Leomil Edrado nga nag-computer sila dihang gipahawa sila sa tindero tungod sa sunog rason nga nag-iyahay sila og sablig og tubig sa ilang mga balay apil na niadtong tubig nga duna’y lapok dihang wala pa maka-abot ang bombero ilabina nga kusog kaayo ang hangin.
Nagsugod matud pa pag-ulbo ang kalayo sa balay sa ilang silingan nga naila lang niya sa pangalang Sagib, usa ka person with disability. Nag-charge matud pa kini sa iyang cell phone nga mibuto hinungdan sa pag-ulbo sa kalayo ug tungod kay dili makalakaw, hayan nadat-ugan kini sa parte sa ilang balay rason nga napa-ig na kini dihang ilang nakit-an.
