BUTUAN CITY – Pagpangawot na lang sa ulo ang nahimo sa usa ka person with disability nga gi-classify nga street level individual kon SLI human siya nakuhaan og suspected shabu atol sa gipahigayong drug buy bust operation sa Purok 1-A, Brgy Fort Poyohon ning siyudad sa Butuan.
Nakuha gikan sa posisyon ni alyas ‘Junjun Kulot,” 40-anyos, aduna’y ka-ipon, residente sa Purok 6, Brgy Basag ning siyudad ang ang 10 ka sachets sa suspected shabu nga gibana-bana mitimbang og 10-gramos ug nagkantidad kini og ₱68,000.00; ₱500.00 nga buy-bust money, android cellphone, timbangan sa droga ug mga drug paraphernalias.
Gikustodiya na ang dinakpan sa Butuan City Police Station 2 samtang gahulat sa pormal nga ipasakang kasong paglapas sa Republic Act 9165 kon mas nailang Comprehensive Dangerous Drug Act of 2002.
