BUTUAN CITY – Gipadayag ni Russian President Vladimir Putin nga tapuson lang nila ang giyera sa Ukraine kung isurender sa Kyiv ang tibuok upat ka rehiyon nga gi-angkon sa Moscow ug kung ilang i-abandona ang tinguhang mu-abin sa North Atlantic Treaty Organization kon NATO kansa daling gibalibaran sa Ukraine sa rasong wala matud pa’y sentido komon si Putin.
Sa iyang pagpamulong kaganina adiser ang peace conference sa Switzerland diin dili imbitado ang Russia, gipadayag ni Putin ang iyang mga kondisyon alang matud pa, sa “final end” sa giyera.
Gawas sa pagpa-atras na sa tropa sa Ukraine gikan sa ilang gi-ukupahang upat ka mga rehiyon sa eastern ug southern Ukraine, gipadayag pa ni Putin nga kinahanglang mag-demilitarize usab sa Ukraine ug tangtangon na usab sa mga Western countries ang mga sanctions nga ilang gipahamtang batuk sa Russia, nga nakapa-tut-ot sa ilang ekonomiya.
Ang mga kondisyon nga giyagyag matud pa ni Putin, pamatuod lamang sa kapakyas sa Russia pagkab-ot sa ilang orihinal nga tumong sa giyera dihang nagtuo ang Moscow nga ilang makuha ang Kyiv sulod lang sa pipila ka adlaw o kaha semana.
